kaplogan,pinoy kaplogan,male to male kwento,kwentong malibog,kwentong kalibugan, hot pinoys planet,emil aniban,pinoy indie films,usapang astig,cute pinoy,cute pinay, OFW,KSA,chatroom,radio online,mensexret,xtube,pinoy xtube,tambayang lonely boys,pinoy radio online, usapang lalake sa lalake,bisexuals,gay,manhunt,pinoy gay blog,gay stories,top gay blog philippines, bromance,hot filipino men,extreme boys,be free forever,bear men,masseur,teaser,Philippines, pinoy gay,tambayan ng ofw,kwentong malibog gay,
“P’re hanggang kailan kaya tayo?” ang tanong ni Lance sa kumpare niyang si Sam habang nakahiga pa sila sa kama matapos ang mainit nilang pagtatalik.
“Sa totoo lang hindi ko din alam. Kahit na medyo may feeling of guilt na ako kay kumare, heto pa rin ako, niyayaya ka pa rin na gawin itong bawal na gawain natin.” ang tugon naman ni Sam.
“Ewan ko nga p’re bakit ang lakas mo sa akin. Sobra na yata ang pagmamahal ko sa iyo at lahat ng dahilan ay gagawin ko makasama ka lamang.” ang sabi naman ni Lance.
“Kailan na nga yun noong una tayong nagkakilala... Ah oo nga pala... Buntis pa si kumare sa bunso mo. Sixth birthday yung huling celebration nya di ba?” ang tanong ni Sam.
“Oo pre. Anim na taon na yung inaanak. At tanda mo pa pala yung panahon na yun.” ang sabi naman ni Lance.
“Sino ba naman makakalimot noong mga panahong iyon na may isang sobrang makulit ng straight guy kuno sa bisexual chat room. Yun bang ang yabang-yabang na otcho pulgada daw at super hot na daddy.” ang sabi ni Sam.
Biglang pinisil ni Lance ang matangos na ilong ni Sam.
“Grabe ka naman pare. Hindi ko naman sinabi ang mga yun.” ang biglang sabi ni Lance.
“Bakit sinabi ko ba na ikaw yun? Guilty ka lang pare.” ang sabi ni Sam.
Nagharutan ang dalawa sa ibabaw ng kama at nagbibiruan tungkol sa chat nila sa internet noong hindi pa sila nagkikita. Nagkakilala silang dalawa sa isang chat room sa internet. At iyon ang simula ng kanilang relasyon bilang magkaibigan, sexual partner at bilang magkumpare na din. Buntis noon ang asawa ni Lance sa pangatlo at bunso nilang anak. Samantalang si Sam ay nag-eenjoy sa pagiging chick-boy nya, yung pwede sa chick pero pwede din sa boy. Inaanak sa binyag ni Sam ang bunsong anak ni Lance. Mahigit anim na taon na din nilang naitatago ang kanilang kakaibang relasyon sa pamilya ni Lance. Subalit tanggap naman si Lance sa mga magulang ni Sam. Nag-iisang anak lamang si Sam at simula ng magtapat siya sa kanyang mga magulang ay buong puso nilang tinanggap ang kakaibang pagkatao ni Sam.
“P’re sa weekend pala meron celebration sa bahay. Punta ka ha.” ang paanyaya ni Lance kay Sam.
“Bakit? Sinong may birthday?” ang tanong ni Sam.
“Walang may birthday. Darating sa Tuesday yung kapatid ni misis. Si Edward, yung halos sampung taon na yatang pabalik-balik sa Saudi.” ang tugon ni Lance.
“Gusto nyang maghanda kami sa Sabado para sa kanyang permanente ng pagbabalik sa Pilipinas. Di na daw sya babalik sa Saudi. Start na lang daw sya ng business nya dito.” ang dugtong pa ni Lance.
“Bakit sa bahay nyo? Dapat doon sya sa province nila maghanda. Nandoon mga kamag-anak nya at yung mga magulang nya.” ang sabi naman ni Sam.
“Ayaw nya doon. Sa bahay daw muna nga sya titira habang naghahanap pa ng mabibiling condominium unit. Kahit nga magbakasyon lang eh ayaw nya pumunta sa probinsya nila. Yung mga byenan ko na lang ang luluwas bukas.” ang tugon ni Lance.
“Wala pa bang asawa yung bayaw mo?” ang tanong ni Sam.
“Ang alam ko nagpakasal na sya sa Bulacan noong huli niyang uwi more three years ago. Pero sabi ni misis naghiwalay na daw sila. Nagpunta na daw sa US yung babae. Nurse kasi yun. Dati din sa Saudi nagtatrabaho.” ang sabi ni Lance.
“So for good na sya mag-stay ng Pilipinas. Tama na din na magnegosyo na lang sya. Malaki na din yata ipon nya sa sampung taon niyang pagtatrabaho sa Saudi.” ang sabi naman ni Sam.
“Balita ko nga kay misis. Malaki ang sweldo nya sa Saudi at naipaayos nya nga daw bahay nila sa province. Sabi nga nya samahan ko nga daw maghanap ng condominium unit na bibilhin nya para may tirahan siya dito sa Manila.” ang salaysay pa ni Lance.
“Sige p’re. Pupunta ako sa Saturday. Sa susunod na Sabado ko na lang dadalhin sina Mommy at Daddy sa Tagaytay. Gusto nilang mag-spend ng weekend sa bahay namin doon.” ang pangako naman ni Sam.
Nagkayayaan ang dalawa na lisanin na ang motel na iyon. Sabay silang bumangon at tinungo ang banyo upang maligo. Matapos makapaligo at makapagbihis ay tuluyan na nilang nilisan ang motel. Kotse ni Sam ang dala nila. Idinaan ni Sam sa Lance sa isang parking lot upang daanan naman ang kanyang kotse. Doon na naghiwalay ang magkumpare.
Dumating na ang Sabado na welcome celebration ng bayaw ni Lance. Medyo na-late si Sam sa dinner celebration dahil may inasikaso pa syang kanyang client. Halos lahat ng bisita ay nakapag-dinner na at kumakain na lamang ng panghimagas o kaya naman ay may hawak na baso ng inumin. May dala din cake si Sam upang maihanda din bilang panghimagas sa hapunang iyon.
“Sam, bakit late ka naman pare?” ang bati ni Emily, ang misis ni Lance na syang sumalubong sa pagdating ni Sam
“Halika, pasok ka sa loob.” ang yaya pa nito kay Sam.
“Sorry mare, may urgent lang akong client na pinuntahan pa.” ang tugon naman ni Sam.
Ipinakilala si Sam ni Emily sa ilang bisita na nadaanan nila sa pagpasok ni Sam sa loob ng bahay. Inihatid ni Emily si Sam sa gilid ng bahay na kung saan naroroon sina Lance at ang bayaw nito kasama ang mga kalalakihang bisita na umiinom na ng alak.
“Pare, bakit ngayon ka lang?” ang bungad ni Lance.
“Medyo naipit lang sa isang client. Pasensya na pare.” ang sagot naman ni Sam.
“Sige pare maiwan muna kita. Aayusin ko lang ang mesa ng makakain ka na din.” ang paalam ni Emily kay Sam.
“Salamat mare. Pero nakapag-dinner na rin ako kasama yung client ko.” ang sabi naman ni Sam.
“Sure ka pare. Anyway, kapag gusto mong kumain pasok lang sa may dinning room at nandoroon lang ang mga pagkain.” ang sabi naman ni Emily.
“Salamat mare.” ang sabi naman ni Sam.
“Honey, ikaw na bahala kay pareng Sam.” ang bilin ni Emily sa kabiyak bago niya tuluyang nilisan si Sam.
Pagpasok ni Emily sa loob ng bahay ay ipinakilala ni Lance ang kanyang kumpare sa mga kalalakihang umiinom doon pati na rin sa kanyang bayaw na kapatid ni Emily.
“Pareng Sam, sya pala yung sinasabi kong bayaw na galing Saudi. Sam si Edward. Edward si Sam.” ang pakilala ni Lance sa bayaw nito.
Nagkamayan ang dalawa. Matapos maipakilala ni Lance sa lahat ng naroroon ay naupo na ito sa upuang itinabi sa upuan ni Lance. Inabutan din ng baso si Sam at tinagayan ng alak. Nagsimula na din makipag-inuman si Sam sa grupo ng magbayaw. Si Lance ang naging bangkero sa kwentuhan ng grupo. Subalit paminsan-minsan ay si Edward ang nagkwekwento tungkol sa naging karanasan niya sa Saudi. Si Sam ay talagang nanahimik na lamang at sumasabay na lamang sa tawanan kung may nakakatawang naikwento.
Hanggang sa tawagin ni Emily si Lance dahil gusto daw siyang kausapin ng isang kamag-anak ng kanyang byenan. Pag-alis ni Lance ay sumunod din si Edward na nagpaalam na pupunta lamang sa banyo. Makalipas ang ilang minuto ay nagbalik na si Edward at naupo siya mismo sa tabi ni Sam. Nagkaroon tuloy ng pagkakataon ng mag-usap ang dalawa ng malapitan. Medyo nagkanya-kanya na rin kasi ng kwento ang mga naroroon ng umalis si Lance.
“Madalas ka maikwento ni Lance sa akin. Binibiro nga ako na hanapan nga daw kita ng maliligawan.” ang panimula ni Sam.
“Si kuya talaga. Gusto pa rin nya ako na mag-asawa. Alam mo bang madami na rin siyang niretong babae sa akin. Ewan ko ba bakit hindi ako successful sa mga nakaraan relationship ko.” ang sabi ni Edward.
“Pero sabi din ni Lance na may asawa ka na.” ang sabi ni Sam sa kanya.
“Noon yun. Hindi kami nagkasundo. Kaya naghiwalay din kami.” ang sabi naman ni Edward.
“Ganoon ba. Di bale marami dyan na makikilala mo pa at magmamahal sa iyo.” ang sabi naman ni Sam.
“Sana nga.” ang maikling nasabi ni Edward.
“Oo naman lahat tayo may nakalaang soul mate.” ang dugtong pa ni Sam.
“Ang baduy naman nun. Soulmate? Meron ba nun? Naniniwala ka ba sa ganun?” ang mga tanong ni Edward.
“Malay mo. Just keep hoping. Someday darating din sya.” ang sabi naman ni Sam.
“Ikaw ba Sam natagpuan mo na soulmate mo?” ang tanong naman ni Edward.
Biglang tumahimik si Sam at tila di makasagot sa tanong ni Sam.
“Wala pa. Pero darating din ang panahon na makikilala ko sya.” ang tugon ni Sam na medyo natagalan bago nya nasabi.
“So ikaw din pala eh single pa? Or married na din pero naghiwal din kayo?” ang mga tanong ni Edward.
“Legitimate single pa ako.” ang tugon ni Sam sabay tawa.
Nagtawan ang dalawa ng malakas. Nabigla ang mga kasama nila sa mesa. Kaya naman nagtanong ang isa sa kanila kung ano ang pinagtatawanan nina Sam at Edward. Biglang binulalas na lamang ni Edward na meron din tulad nyang tumatanda na zero pa din ang lovelife. Nakitawa na rin ang buong grupo. Iyon naman ang balik ni Lance.
“Mukhang nagkakasiyahan kayo ng lubusan.” ang bungad ni Lance.
“Bayaw, single din pala itong si Sam at zero lovelife.” ang sabi ni Sam kay Edward.
“Ganun ba. Zero lovelife ka ba ngayon pare?” ang tanong ni Lance kay Sam.
Parang may kakaibang pahiwatig ang pagtatanong na iyon ni Lance kay Sam. Nakailang taon na din ang kanilang tagong relasyon. Tila di mawari ni Sam kung sasagutin niya ang tanong ni Lance. Pero nag-isip pa rin si Sam ng maisasagot kay Lance.
“Pare naman. Parang di mo alam ang tungkol sa lovolife. Ikaw yata ang adviser ko sa tuwing meron akong popormahan. Ikaw din ang takbuhan ko sa tuwing basted ako or may break-up na nangyari.” ang sabi naman ni Sam kay Lance.
“Kaya naman pala pareho tayong zero lovelife eh si kuya Lance pala ang parehong adviser natin sa ating lovelife.” ang biro naman ni Edward.
“Kayong dalawa talaga puro kayo biro. Malay ko sa lovelife nyo. Basta ako magaling pumili ng mamahalin ko. Masarap kasi ako magmahal kaya hindi din ako mahirap mahalin.” ang sabi naman ni Lance.
Mas lalong kinantyawan si Lance ng dalawa pati na rin ang mga kainuman nila. Nagpatuloy pa ang masayang kwentuhan ng grupo hanggang sa isa-isa ng nagpaalam ang ilan sa kanila. Si Sam ang pinakahuling nagpaalam kasi siya naman daw ay late na dumating.
“Hindi na rin ako magtatagal. Aalis na din ako.” ang paalam ni Sam kina Lance, Emily at Edward.
“Pare, kaya mo pa bang mag-drive?” ang tanong naman ni Emily.
“Ayos lang ako mare. Kayang-kaya ko pa.” ang sabi naman ni Sam.
“Pare, lasing ka na. Tignan mo nga sarili mo at hindi na tuwid ang lakad mo. Mabuti pa kaya na dito ka na lang matulog.” ang sabi naman ni Lance.
“Oo nga naman. Dito ka na matulog.” ang pagsegunda ni Edward.
“Kaya ko pang mag-drive. Don’t worry.” ang pagpupumilit ni Sam.
“Pare, kilala kita. Hindi ka naman ganoon karami uminom. Sinabayan mo kasi itong si Edward sa malakas uminom. Delikado ka nyan sa daan.” ang pagtutol ni Lance sa pag-uwi ni Sam.
“Ayos lang ako pare.” ang maikling nabanggit ni Sam.
“Tutal mapilit si Sam na makauwi, ako na lang ang maghahatid sa kanya.” ang alok naman ni Edward.
“Lasing ka na din kaya.” ang sabi naman ni Emily kay Edward.
“Ate, madami lang akong nainom pero hindi pa ako lasing. Kahit byahe pa tayo ng Baguio ngayon ay kaya ko pang magdrive.” ang sabi naman ni Edward.
“Mas mabuti nga siguro. Kilala ko itong bayaw ko. Wala sa vocabulary nya ang word na lasing. Sige, sasama na din ako sa paghatid sa iyo.” ang sabi ni Lance.
“Eh papaano ang kotse ko?” ang tanong naman ni Sam.
“Iwan mo muna at bukas ihahatid namin ni Edward sa inyo. Tutal Linggo naman bukas.” ang sabi naman ni Lance.
“Bayaw, ako ng bahala kay Sam. Maiwan ka na dito at ilapit mo na lang sa harapan ng bahay yung kotse ni Sam.” ang sabi naman ni Edward.
“Mabuti pa nga honey. Madami pa tayo ililigpit para bukas may time pa tayo magsimba at mag-grocery.” ang pagsang-ayon ni Emily sa kanyang kapatid.
“Ok. Sige bayaw, ikaw na maghatid kay Sam. Pero mag-ingat ka sa pagda-drive.” ang pagsang-ayon din ni Lance.
Gamit ang kotse ni Lance, binaybay na nina Sam at Edward ang daan patungo sa bahay ni Sam. Muling nagkwentuhan ang dalawa tungkol sa kanilang personal na buhay, sa trabaho at sa kung anu-ano bang bagay. Nang makakita ng isang coffee shop si Edward ay niyaya niya si Sam na magkape muna. Hindi naman tumanggi si Sam. Sa pagbaba ni Sam ng sasakyan ay nahalata pa din ni Edward ang di tuwid na paglalakad ni Sam. Kaya naman inalalayan niya ito. Iniakbay ni Edward ang isang kamay ni Sam sa kanya at niyapos niya ng bahagya si Sam upang hindi na gumewang-gewang ang paglalakad nito. Damang-dama ng dalawa ang init ng katawan ng isa’t isa.
Si Edward ang nag-order ng kanilang kape at habang nagkakape ay nagpatuloy pa din sila sa kwentuhan. Makalipas ng ilang minuto ay medyo nabawasan na ang tama ng alak ni Sam. Nagsabi tuloy siya kay Edward na magtataxi na lamang siya mula doon at pwede ng umuwi si Edward. Pero nagpumilit pa din si Edward na maihatid si Sam sa kanyang bahaykaya naman hindi na nakatanggi si Sam. Ilang minuto pa ay muling nasa daan na naman ang dalawa at binabaybay ang daan patungo sa bahay ni Sam. Hindi nagtaggal ay narating na din nila ang bahay ni Sam. Pinapapasok pa sana ni Sam si Edward sa loob ng bahay pero tumanggi na siya. Agad na din nagpaalam si Edward.
Kinabukasan, sunud-sunod na mga katok sa pinto ng kanyang silid ang gumising kay Sam.
“Kuya, kuya, may naghahanap po sa inyo.” ang boses na narinig ni Sam sa may pintuan.
Ayaw sanang bumangon ni Sam dahil inaantok pa siya. Pero naging makulit ang kumakatok sa kanyang pinto.
“Kuya, pasensya na po. Dala nya po yung kotse ninyo.” ang sabi ng babae sa may pintuan.
Inakala ni Sam na si Lance iyon pero bakit tila hindi kilala ng kanilang katulong. Kaya naman minabuti na lamang niyang bumangon.
“Sino daw sya?” ang tanong ni Sam pagbukas niya ng pintuan.
“Hindi ko pa naitanong, kuya.” ang tugon naman ng katulong.
“Sige, sandali lang at maghihilamos lang ako.” ang sabi naman ni Sam.
Makalipas ng ilang minuto ay lumabas na sa kanyang silid si Sam at tinungo ang garahe kung saan naroroon daw ang naghatid ng kanyang kotse.
“O ikaw pala Edward. Nasaan si Lance? Akala ko dalawa kayong maghahatid ng kotse ko.” ang bungad ni Sam na medyo nabigla ng makita si Edward.
“Hindi na sya pinasama ng ate. Tutal naman daw eh nalaman ko na ang papunta dito.” ang tugon ni Edward.
“Eh papaano ka uuwi? Susunduin ka ba ni Lance?” ang mga tanong muli ni Sam.
“Magtataxi na lang ako.” ang tugon naman ni Edward.
“Si Lance talaga, basta ka na lang pinabayaan. Don’t worry after ng breakfast ay ihahatid na din kita.” ang sabi naman ni Sam.
“Kumain ka na ba?” ang tanong ni Sam.
“Coffee lang ako sa umaga. Nasanay na akong ganoon.” ang tugon ni Edward.
“Halika muna sa loob at magkape ka kung ayaw mo akong sabayan sa almusal.” ang alok ni Sam.
Sa mismong hapag-kaininan uminom ng kape si Edward. Dahil sa sarap ng naihandang almusal at dahil din sa sarap ng pagkain ni Sam ay naenganyong kumain si Edward. Matapos makapag-almusal si Sam ay nagpaalam siyang maliligo muna bago niya ihatid si Edward. Matapos makaligo si Sam ay nilisan na nila ang kanyang bahay. Ang buong akala ni Sam ay magpapahatid na si Edward sa bahay nina Lance. Subalit nag-request siyang dumaan sila sa isang mall para bumili ng kanyang mga damit. Medyo out of fashion na daw kasi mga dalang damit ni Edward mula sa Saudi. Pumayag naman si Sam dahil wala naman siyang gagawin sa araw na iyon maliban lamang sa pagsisimba na pwede naman daw niyang gawin sa hapon. Nakipag-deal naman si Edward na pagtapos nila sa mall ay sasamahan naman niya si Sam sa pagsisimba nito.
Nawili si Edward sa pamimili ng kanyang mga damit. Gayun din naman si Sam na napabili na din ng ilang damit niya. Doon na rin sila nag-lunch at nagmeryenda kinahapunan. Tulad ng pangako ni Edward, sumama siya sa pagsisimba ni Sam sa simbahang madalas niyang pinpuntahan. May kadiliman na ng ihatid ni Sam si Edward kina Lance.
“O bayaw, ang bait nitong kumpare mo. Sinamahan ako sa pamimili ko ng mga bagong damit ko.” ang bungad ni Edward ng pagbuksan sila nito ng gate ng bahay.
“Sabi nga nya sa text na magkasama kayo sa mall.” ang sabi naman ni Lance na tila nagseselos sa kanyang bayaw sa ginawang pagsama ni Sam dito.
“Para makabawi naman sa kanya ay sinamahan ko syang magsimba.Kaya medyo ginabi kami kasi nga nagsimba pa kami.” ang dugtong pa ni Edward.
“Ah ganoon ba. Akala ko binili nyo na ang buong mall sa tagal mong makauwi.” ang sabi ni Lance na pilit pa rin itago ang nararamdaman nitong pagseselos sa bayaw.
Batid ni Sam na ganoon nga ang nararamdaman ni Lance. Nais man niyang magpaliwanag pero baka makahalata si Edward sa nararamdamang iyon ni Lance. Minabuti na lamang niyang magpaalam na.
“Sige pare, Edward, uwi na din ako.” ang paalam ni Sam.
“Dito ka na mag-dinner.” ang alok ni Edward.
“Hindi na. Sa bahay na lang. Baka dumating na sina Mama at Papa. Hindi pa nila ako nakikita simula kaninang umaga.” ang sabi naman ni Sam.
Tila walang imik si Lance habang nag-uusap ang dalawa.
“Sige, ingat na lang sa pagmamaneho.” ang sabi na lamang ni Edward ng hindi na niya mapilit si Sam.
“O pare nandyan ka pala.” ang bungad naman ni Emily ng lumabas ito ng bahay.
“Oo mare. Pero pauwi na din ako. Inihatid ko lamang si Edward.” ang sabi naman ni Sam.
“Mukhang ang daming pinamili mo bro.” ang sabi naman ni Emily kay Edward ng makita ang mga pinamili nito.
“Syempre ate. Kailangan palitan ko na ang mga di usong damit ko. Ayos nga itong si Sam sa pagpili ng mga damit ko. Bagay na bagay lahat ng pinili nya para sa akin.” ang sabi naman ni Edward.
“Sige, hindi na ako magtatagal. Aalis na ako.” ang muling paalam ni Sam.
“Sige pare, ingat na lang.” ang sabi ni Emily.
“Ingat sa pagmamaneho Sam.” ang sabi naman ni Edward.
Nagsalubong lamang ang mga mata nina Sam at Lance pero walang nasabi si Lance. Batid talaga ni Sam na may nararamdamang selos si Lance sa pagsasama nilang dalawa ni Edward sa araw na iyon. Lalong-lalo na ng malaman nito sa pagsama ni Edward sa kanyang pagsisimba. Nabanggit kasi ni Sam kay Lance noong bago pa lamang silang magkakilala na kapag naisama niya sa kanyang pagsimba ang isang tao ay may kakaiba na siyang nararamdaman dito at dahil nga isinama niya ay ipinapanalangin niya at humihingi ng sign na iyon na ang taong kanyang pakamamahalin. Ilang araw pa lamang kasi silang magkakilala noon ay nagsimba na silang dalawa. Iyon ang simula ng kanilang pagtagong relasyon.
Sa mga text ni Sam kay Lance ng araw na iyon ay hindi niya nabanggit na pati sa simbahan ay magkasama sila. Kaya batid ni Sam na magtatampo si Lance sa kanya ng banggitin ni Edward ang tungkol sa kanilang pagsisimba.
Umuwi si Sam na may bumabagabag sa kanya. Alam niyang mahal niya si Lance at ganoon din naman si Lance sa pagmamahal sa kanya. Ilang taon na nilang itinatago ang kanilang relasyon at kahit isang malaking pagtataksil iyon kay Emily ay tumagal pa din sila dahil sa kanilang pagmamahal sa isa’t isa. Pero ng araw na iyon ay may kakaiba siyang galak na naramdaman habang kasama niya si Edward. Nakuha din niyang hindi magsabi na katotohanan kay Lance. Hindi pa nya kilala ng lubusan si Edward subalit maligaya siyang nakasama niya ito sa araw na iyon.
Sa paglipas pa ng mga araw ay hindi talaga nagkaroon ng lakas ng loob si Sam na kausapin si Lance. Alam niya na may hinanakit pa din ito sa kanya dahil wala pa din siyang natatanggap na tawag o text man lamang mula dito. Tanging mga tawag at text mula kay Edward ang kanyang natatanggap. Hanggang sa dumating muli ang weekend.
“Are you free tonight?” ang text na na-receive ni Sam mula kay Edward habang naghahanda na siya sa pag-alis sa kanyang opisina.
Ayaw na sana niyang sagutin iyon. Dahil balak niyang kausapin si Lance ng gabing iyon kung maaari lamang. Subalit parang may nag-udyok sa kanya na sagutin na ang text ni Edward at tiyak na yayayain siya nito na gumimik.
“Yes, i’m free tonight.” ang text naman ni Sam.
“Just want to invite to a bar in The Fort. Never been there.” ang sumunod na text ni Edward.
“Sure.” ang maikling text ni Sam.
Nagpatuloy pa ang palitan nila ng text messages at na-set nga ang lakad nila. Nagkasundo din sila kung saang bar sila pupunta.
Sa loob ng bar na napili nila ay umorder sila ng kanilang inumin at pulutan. Masayang nagkwentuhan ang dalawa hanggang naparami na ang kanilang nainom.
“You know Sam, I like you.” ang biglang sinabi ni Edward na ikinagulat ni Sam.
“What do you mean?” ang tanong ni Sam.
“I guess I’m falling in love with you.” ang sabi pa ni Edward.
“Pare, ano bang sinasabi mo. Lasing ka na yata.” ang sabi naman ni Sam.
“Nararamdaman ko na you also like me. Pero ayaw mong sabihin yun. Kaya ako na ang nagsasabi ng nararamdaman ko sa iyo.” ang sabi pa ni Edward.
“Baka tumira ka lang ng drugs kanina kaya ganyan ang trip mo ngayon.” ang sabi naman ni Sam.
“Walang biro Sam. I think I love you. Sabi ko na nga eh. Kaya hindi nagwo-work-out ang mga relasyon ko with girls eh sa kabaro ko pala ako dapat magmahal. I also can feel that there is something going on between you and my brother in law. That’s crazy. Kawawa si ate. Ako na lang Sam ang mahalin mo.” ang pasusumamo pa ni Edward.
Hindi malaman ni Sam kung ano ang isasagot kay Edward. Aaminin ba niya ang tungkol sa kanila ni Lance o iibahin na lamang muli niya ang usapan. Subalit dama ni Sam ang sincerity ni Edward ng mga oras na iyon.
“I love your borther in law and I don’t want to break up with him. Siya ang nagtuwid sa aking landas noong wala ni isa man kaibigan ang tumutulong sa akin noong mga panahong hinahanap ko ang aking sarili. Muntik na magulo ang buhay ko nang ilang beses din akong nakipag-live-in sa kabaro ko na ang pakay lamang ay ang huthutan ako ng salapi. Minahal niya ako at tinanggap niya ako kung ano ako noon. Siya ang naging daan sa aking tuluyang pagbabago.” ang sumabulat na saloobin ni Sam.
“Pero may asawa na siya. Noon pang una ko siyang nakilala ay batid ko na pilit niyang nilalabanan ang tunay niyang pagkatao. Tulad ko at tulad mo din siya. Pero mas pinili niya ang magkaroon ng asawa at pamilya. Dapat yun na lamang ang pangtawanan niya. Mahirap ang mamangka sa dalawang ilog.” ang sabi naman ni Edward.
“Alam ko yun Edward. Mahal na mahal nya ang ate mo. Kaya nga kahit mahirap sa aking damdamin na ako na lamang ang nagbibigay sa tuwing may conflict sa schedule namin ng ate mo ay ayos lang sa akin. Alam ko naman na malaki ang obligasyon niya sa ate mo at sa mga anak nila. Tanggap ko iyon. Naiintindihan ko iyon.” ang sabi naman ni Sam.
“Mali eh. Mali yun. Pwede ka naman magmahal ng walang pananagutan sa buhay tulad ko. Para tuluyan ka ng lumigaya. You deserve to be happy.” ang sabi naman ni Edward.
Nagpatuloy ang pagsusumamo ni Edward at si Sam naman ay patuloy pa din ginagawan ng rason ang kanilang relasyon ni Lance. Hanggang sa magyaya ng umuwi si Sam.
“Hatid na kita.” ang alok ni Sam paglabas nila ng bar.
“No need. Nakabili na din ako ng bagong car. Yung tinignan natin na naka-display sa mall. Nangulit yung ahenteng kausap natin. Hindi tuloy ako nakatanggi. Ayos naman kasi malaking discount din ang nabigay nya at natupad din nya ang delivery kaninang umaga.” ang nabanggit ni Edward.
“Ayos ah. Pwede ka ng gumimik gabi-gabi.” ang sabi naman ni Sam.
“Pwede basta ba ikaw ang kasama ko.” ang sabi naman ni Edward.
“Mabuti pa after this car ay ayusin mo na ang business na itatayo mo.” ang suggestion ni Sam.
“Ayos na din yun. Nakausap ko na yung kaibigan ko na owner ng store ng vehicle spare parts. Magpapartner kami at kukuha kami ng mas malaki pang pwesto. Syempre dadamihan na din namin ang iaalok naming spare parts. Balak na din namin mag-direct ng importation ng spare parts at magbukas ng repair shop. Nakahanap na kami ng pwesto at mga next week sisimulan na ang renovation ng lugar. Kapag open na yun, ikaw sana ang unang client namin.” ang sabi naman ni Edward.
“No problem basta ba libre.” ang biro ni Sam.
“Ganun! Lugi kaagad. Dapat ang buena mano ay yung good customer para maganda ang pasok sa negosyo.” ang sabi naman ni Edward.
Natawa na lamang si Sam at tungkol nga sa bubuksang business ni Edward natuon ang kanilang usapan habang nakatayo sila sa parking lot.
“I have to go na. Lumalalim na ang gabi.” ang paalam na ni Sam.
“O sige. Basta pag-isipan mo yun ipinagtapat ko sa iyo kanina.” ang sabi naman Edward.
“Ang alin? Yun bang business mo?” ang biro ni Sam.
“Ikaw talaga Sam. Hahalikan kita dyan.” ang sabi naman ni Edward.
“Ooops. Bawal sa public place yun. Pero seryoso pare, please don’t tell this to your brother in law. Even about you going out with me tonight, wag mong mababanggit sa bayaw mo. Simula last Sunday hindi pa kami nagkakausap. I know nararamdaman na nya sa iyo ang kakaiba mong nararamdaman sa akin. Ayaw kong masaktan ang bayaw mo. At hindi naman dapat siya masasaktan kasi wala naman tayong relasyon.” ang pakiusap ni Sam.
“No problem. Hindi ako madamot sa pagmamahal. Kapag mahal ko ang isang tao, masaya ako na makitang masaya siya. Eh kung mas magiging masaya ka kay bayaw eh masaya na din ako para sa iyo.” ang sabi na lamang ni Edward.
Hindi nagtagal ay naghiwalay na ang dalawa ng gabing iyon.Simula ng magtapat ng saloobin si Edward kay Sam ay hindi na nawaglit sa isipan ni Sam si Edward. Naguguluhan siya kung ano ang dapat niyang gawing desisyon. Hindi pa nya lubusang kilala si Edward. Subalit may hindi siya maipaliwanag sa kanyang sarili kung bakit parang hinahanap na niya si Edward at laging laman na nga ng kanyang isipan. Matagal na sila ni Lance at subok na ang pagmamahal ni Lance sa kanya kahit ito ay isang bawal na pag-ibig at batid niyang may mga tao siyang masasaktan kapag lumantad ang katotohanan tungkol sa kanilang dalawa ni Lance. Ang mas lalong nakakagulo pa sa isipan ni Sam ay ang mismong kapatid ng asawa ni Lance ang napagtapatan niya ng tunay na namamagitan sa kanila ni Lance.
Makalipas ng ilang araw ay masinsinan niya kinausap si Edward. Inamin nito kay Edward na napapamahal na din siya dito. Laking tuwa naman ni Edward. Subalit pinakiusapan ni Sam si Edward na bigyan siya ng panahon upang tapusin muna ang relasyon nila ni Lance. Sumang-ayon naman si Edward at nangako din siya na magiging maingat din siya na manataling lihim ang lahat ng iyon kay Lance. Sa isang restaurant sila nag-usap at nagkasundo sa kanilang gagawin.
“Maaga pa at pwede pa tayong makadalawang bote man lamang dyan sa malapit na bar,” ang alok ni Edward paglabas nila sa restaurant.
“Next time na lang. May pasok pa ako bukas.” ang pagtanggi ni Sam.
“Sige na. Pagbigyan mo naman ako. This time lang. Remember after this night iiwasan na natin munang lumabas para hindi makahalata si bayaw.” ang pagpupumilit ni Edward.
Hindi maintindihan ni Sam ang kanyang sarili kung bakit napadali niyang mapapayag ni Edward. Sumama siya kay Edward sa isang malapit na bar. Nang makaubos na sila ng tig-apat na bote ng beer ay nagyaya na si Sam na umuwi. Pumayag naman si Edward. Matapos mabayaran ang kanilang bill ay nilisan na nila ang bar na iyon.
Makalipas ng ilang minuto ay nasa tapat na ng kanilang bahay si Sam. Nasa akto na niyang binubuksan ang kanilang gate ng may dumating na kotse. Pagtingin ni Sam sa dumating na kotse ay nakilala nya agad ang kotse. Kotse ni Edward ang dumating. Ilang segundo lamang buhat ng huminto ang kotse ay lumabas si Edward.
“O Edward, anong ginagawa mo dito?” ang tanong ni Sam.
“Pasensya na Sam. Nabanggit ko kasi kay ate Emily na magpapalipas lang ako ng gabi sa Tagaytay pagkatapos ng meeting ko sa susuplayan namin ng spare parts sa Batangas. Kaya di muna ako uuwi sa bahay ngayong gabi. Baka pwede dito muna ako matulog.” ang tugon ni Edward.
“Pwede naman yun. Kaya lang papaano kung malalaman ni Lance.” ang pag-aalinlangan ni Sam.
“Sabi ko nga sa iyo, ang alam nila ay nasa Tagaytay ako ngayong gabi. Don’t worry di niya malalaman kung hindi mo sasabihin.” ang sabi naman ni Edward.
“Ikaw talaga. Sige na nga. Sandali lang. Ipapasok ko ang sasakyan ko at isunod mo na din ipasok ang sasakyan mo sa loob. Kasya naman ang dalawang kotse sa garahe. Buti na lang nasa casa ang sasakyan ni Papa. Ipinagbabawal kasi ng homeowners’ association dito ang pagpaparada sa daan.” ang nasabi na lamang ni Sam.
Tulog na ang mga tao sa bahay ni Sam ng dumating sila. Subalit bago makapasok sa kanyang silid sina Sam at Edward ay biglang bumukas ang pintuan ng katabing silid nito.
“Sam, ginabi ka yata.” ang sabi ng Mama ni Sam na siyang nagbukas ng pintuan ng kabilang silid.
“Ma, medyo po. Sya po pala si Edward yung bayaw ni Lance. Dito muna sa matutulog ngayong gabi kasi di na nya kayang mag-drive papauwi sa kanila.” ang sabi naman ni Sam.
“Good evening po.” ang bati naman ni Edward sa Mama ni Lance.
“Syanga pala Sam. Tumawag kaninang mga alas-otcho si Lance. Hinahanap ka.” ang sabi ng Mama ni Sam sa kanya.
“Ganun po ba. Eh ano pong sabi nyo?” ang tanong ni Sam.
“Syempre sabi ko baka nag-overtime ka o may dinaanan lang.” ang sabi naman ng Mama ni Sam.
“Sige po kakausapin ko na lang siya bukas.” ang sabi na lamang ni Sam bago sila tuluyang pumasok sa loon ng kanyang silid.
Pagpasok nila sa loob ng silid ay nagpaalam muna si Sam kay Edward na maliligo lamang. Makalipas ng ilang minuto ay natapos ng maligo si Sam. Si Edward naman ang nanghiram ng tuwalya upang makaligo din siya. Makalipas din ng ilang minuto ay lumabas na din ng banyo si Edward na nakatapis lamang ng tuwalya.
“Pwede bang makahiram ng shorts? Nakalimutan kong ibaba yung bag ko sa kotse.” ang hiling ni Edward.
“Sure, sandali lang.” ang tugon naman ni Sam na nakasuot na ng nakagawian niyang kasuotan ng boxer shorts at sando kapag natutulog.
Boxer shorts at sando din ang iniabot ni Sam kay Edward. Subalit pag-abot ni Sam ng mga iyo at hinawakan siya ni Edward sa kanyang kamay na may tahan-tahan ng mga damit. Dahan-dahang inilapit ni Edward ang kanyang katawan kay Sam. Ilang sandali pa ay sinimulan niyang halikan sa kanyang mga labi si Sam. Tila naging estatwa lamang si Sam na nagpaubaya sa nais ni Edward. Mga ilang minuto pa ang lumipas ng medyo natauhan si Sam.
“Wait. Di tama ito. Wala sa usapan natin ito.” ang biglang nasabi ni Sam.
Bumitaw din sa kanilang halikan si Edward. Subalit hindi siya nagsalita. Muli niyang niyapos si Sam at sinimulan muling halikan sa kanyang mga labi. Hindi na rin napigilan ni Sam ang nais mangyari si Edward. Sya din ay nadala na ng kanyang damdamin at hindi na din bumitaw sa halikan nila ni Edward. Makalipas ng ilang minutong halikan nila habang nakatayo ay bigla ng inilaglag ni Edward ang tapis niyang tuwalya. Isinunod naman niyang hubarin ang sando ni Sam habang patuloy pa rin sila sa halikan. Bago pa man sila tuluyang pumaibabaw sa kama ay kapwa na sila hubo’t hubad. Naglalagabalab na halikan at pagtatalik ang naganap sa silid na iyon ni Sam. Sa silid na madalas na naging saksi sa pagtatalik nila ni Lance.
Nang matapos ang mainit na tagpong iyon at maisaayos ang kani-kanilang sarili ay kapwa na sila natulog sa kama na kapwa pa din hubo’t hubad na magkayakap. Kapwa din sila walang imikan kahit magkayap hanggang sa makatulog na sila. Sapat ang yakap nila sa isa’t isa upang maipahiwatig ang namumuo na nilang pagmamahalan sa isa’t isa.
ITUTULOY...
